FİNAL GÖRÜŞÜ AFİNADA KEÇİRİLƏCƏKDİR

20.05.2006 [20:54]
Çap et
A⁺ A^-

AZƏRTAC UEFA-nın rəsmi saytına istinadla xəbər verir ki, futbol üzrə Çempionlar liqası 2006/2007-ci il turnirinin final görüşü gələn il mayın 23-də Yunanıstanın paytaxtı Afinadakı Olimpiya stadionunda keçiriləcəkdir.

Afinada artıq bir dəfə - 1993-1994-cü il Çempionlar liqası turnirinin final oyunu keçirilmişdir. O görüşdə İtaliyanın “Milan“ klubu mötəbər turnirin builki qalibi - İspaniyanın “Barselona” komandasını darmadağın etmişdi-4:0.

Qeyd edək ki, Afinada hazırda ləğv edilmiş Kuboklar Kuboku turnirinin də bir final oyunu keçirilmişdir. 1987-ci ildə keçirilmiş bu görüşdə hazırda xeyli zəifləmiş məşhur “Ayaks” (Amsterdam, Hollandiya) klubu “Lokomotiv” (Leypsiq, keçmiş Almaniya Demokratik Respublikası) komandasına 1:0 hesabi ilə qalib gəlmişdi.

FİNAL GÖRÜŞÜ AFİNADA KEÇİRİLƏCƏKDİR

MÜƏLLİFLƏ ƏLAQƏ

Bölmənin digər xəbərləri