Finlandiyalı və estoniyalı məktəblilər PISA reytinqinin nəticələrinə görə ilk onluğa daxil olublar
Helsinki, 21 noyabr, AZƏRTAC
Finlandiyalı məktəblilər problemlərin əlbir şəkildə həlli üzrə dünyanın on ən yaxşı ölkəsinin məktəbliləri sırasına daxil olublar.
İqtisadi Əməkdaşlıq və İnkişaf Təşkilatının Məktəblilərin Təhsil Nailiyyətlərinin Qiymətləndirilməsi üzrə Beynəlxalq Proqramının (PISA) testləri üç ildə bir dəfə məktəblilərin riyaziyyat, təbiətşünaslıq və mütaliə sahəsində vərdiş və bacarıqlarını qiymətləndirir. Tədqiqatda məktəblilərin problemləri əvvəlcə müstəqil, sonra isə əlbir şəkildə həll etmək bacarığı da yoxlanılıb.
Sonuncu tədqiqatda proqramın iştirakçısı olan 73 ölkədən 51-i iştirak edib.
Tədqiqat gedişində üstünlük problemin birbaşa həllinə deyil, qarşılıqlı fəaliyyətə və qarşıya qoyulan vəzifəni birlikdə müzakirə etmək bacarığına verilib.
Bu tədqiqatda ilk yerləri Asiya ölkələrinin məktəbliləri tutublar. İki Avropa ölkəsinin - Finlandiya və Estoniya məktəbliləri də ilk onluğa daxil olublar.
Nigar Cəfərli
AZƏRTAC-ın xüsusi müxbiri
Helsinki
Bölmənin digər xəbərləri
