Fiziki şəxslərin təqdim etdiyi yaşayış və qeyri-yaşayış sahələri sadələşdirilmiş vergiyə cəlb olunur
Bakı, 15 dekabr, AZƏRTAC
Vergi Məcəlləsində edilmiş dəyişikliyə əsasən, mülkiyyətində olan yaşayış və qeyri-yaşayış sahələrinin təqdim edilməsini həyata keçirən fiziki şəxslər sadələşdirilmiş verginin ödəyicisi hesab olunur, yaşayış və qeyri-yaşayış sahələrinin təqdim edilməsi notarius tərəfindən sadələşdirilmiş vergiyə cəlb olunur.
AZƏRTAC Dövlət Vergi Xidmətinin İctimaiyyətlə əlaqələr şöbəsinə istinadla xəbər verir ki, hüquqi şəxslər tərəfindən mülkiyyətindəki yaşayış və qeyri-yaşayış sahələrinin təqdim edilməsinin notarius tərəfindən sadələşdirilmiş vergiyə cəlb olunması isə ləğv edilib. Buna əsasən, 2020-ci il yanvarın 1-dən sonra ƏDV ödəyicisi olan müəssisə tərəfindən mülkiyyətində olan qeyri-yaşayış sahəsinin digər şəxsə təqdim edilməsindən ümumi qaydada mənfəət vergisi və ƏDV hesablanır.
Hüquqi şəxsin mənfəət vergisinin ödəyicisi olmasına baxmayaraq, həmin şəxsin mülkiyyətində olan torpaq sahəsinin təqdim olunması sadələşdirilmiş vergiyə cəlb olunur və hesablanmış vergi alqı-satqı əməliyyatını təsdiqləyən notarius tərəfindən ödəmə mənbəyində tutularaq dövlət büdcəsinə köçürülməlidir.
Bölmənin digər xəbərləri
