Floridada çoxmərtəbəli binanın çökməsi nəticəsində ölənlərin sayı 46 nəfərə çatıb
Bakı, 7 iyul, AZƏRTAC
Xilasedicilər ABŞ-ın Florida ştatında çoxmərtəbəli binanın çökməsi nəticəsində həlak olan daha 10 nəfərin cəsədini aşkarlayıb və beləliklə, ölənlərin sayı 46 nəfərə çatıb.
AZƏRTAC Associated Press agentliyinə istinadla xəbər verir ki, Mayami-Deyd dairəsinin yanğınsöndürmə xidmətinin rəis müavini Reyd Caddal hələlik cəsədlərdən yalnız 32-nin şəxsiyyətinin müəyyən olunduğunu deyib.
Qeyd edək ki, iyunun 24-nə keçən gecə Florida ştatının Mayami-Deyd dairəsində yerləşən Serfsayd şəhərində çoxmərtəbəli yaşayış binasının bir hissəsi çöküb. Hakimiyyət orqanları binadakı 130 mənzilin yarısının dağıldığını bildirib.
Faciə nəticəsində itkin düşənlərin axtarışı davam edir.
Bölmənin digər xəbərləri
