FOKS NYUS JURNALİSTLƏRİ OĞRULARININ ABŞ-A ULTİMATUMU
AZƏRTAC Röyterə istinadla xəbər verir ki, avqustun 14-də Fələstinin Qəzzə şəhərində ABŞ-ın Foks Nyus teleşirkətinin iki jurnalistinin oğurlanmasına görə məsuliyyəti “Müqəddəs cihad briqadası” adlı qruplaşma öz üzərinə götürmüşdür. Oğrular sübut olaraq əsirlərin videomüraciətini yaymışlar.
Onlar ABŞ-a ultimatum vermişlər ki, Amerika həbsxanalarındakı müsəlman məhbuslar buraxılmayınca, jurnalistlər azad olunmayacaqlar.
ABŞ hökuməti bu ultimatuma cavab verərək, jurnalistlərin dərhal buraxılmasını tələb etmişdir.
Corc Buş hökuməti bildirmişdir ki, ABŞ jurnalistlərin terrorçulardan azad edilməsi üçün heç bir güzəştə getməyəcəkdir.
Bölmənin digər xəbərləri
