“FORBS” JURNALI ƏN BAHALI MALİKANƏLƏRİN SİYAHISINI AÇIQLAMIŞDIR

27.07.2006 [22:57]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, “Forbs” jurnalının əməkdaşları daşınmaz əmlak ticarəti ilə məşğul olan aparıcı beynəlxalq şirkətlərin məlumatını öyrənərək, on ən bahalı malikanə və mülkün siyahısını hazırlamışlar. “Nayt Frenk” Beynəlxalq rieltor firması mənzil fondunun təhqiqat xidmətinin başçısı Liam Beyli bildirir ki, dünyanın elit daşınmaz əmlak bazarı son 5 ildə əsil prosesi canlama keçirir. Bu, Rusiya alıcılarının bazara çıxması ilə bağlıdır. Yeni varlılar sinfinin formalaşdığı Çin, Braziliya və digər ölkələrdən gələn mühacirlər sayəsində həmin prosesin davamı gözlənilir.

Hazırda dünyanın ən bahalı malikanəsi Uindzor (Böyük Britaniya) qəsrinin qonşuluğunda yerləşən “Apdaun kort” evidir. 103 otaqlı və 5 hovuzlu bu ev 139 milyon dollar məbləğində qiymətləndirilir. İkinci yerdə Səudiyyə Ərəbistanının ABŞ-da sabiq səfiri şahzadə Bəndər Ben Sultanın dağlıq Aspendəki “Starwood Estate” rançosudur. Ranço 135 milyon dollara satılır. Sonrakı yeri Amerika milyarderi Donald Trampin 2004-ci ildə Palm-Biçdə 41,25 milyon dollara aldığı “Maison de L”amitie” mülküdür. Hazırda ev 125 milyon dollara satılır. Dünyanın ən bahalı malikanələrinin “onluğuna” Londondakı daha bir ev daxildir. Digərləri isə ABŞ-da, əsasən, Kaliforniya ştatındadır.

“FORBS” JURNALI ƏN BAHALI MALİKANƏLƏRİN SİYAHISINI AÇIQLAMIŞDIR

MÜƏLLİFLƏ ƏLAQƏ

Bölmənin digər xəbərləri