Formula 1 həftəsindən sonra Bakının bütün yolları tam olaraq açılıb
Bakı, 16 sentyabr, AZƏRTAC
Sentyabrın 13-15-də baş tutmuş Formula 1 Azərbaycan Qran-Prisi ərəfəsində bağlanan prospekt və küçələr nəzərdə tutulmuş vaxtdan daha tez – bu gündən sürücülərin istifadəsinə verilib.
Bakı Şəhər Halqasından (BŞH) AZƏRTAC-a verilən məlumata görə, BŞH Əməliyyat Şirkəti, Daxili İşlər Nazirliyi, Baş Dövlət Yol Polisi İdarəsinin və digər aidiyyəti qurumların birgə səyi nəticəsində son 8 ildə ilk dəfə olaraq 24 saat tamam olmamış paytaxt Bakının yollarındakı nəqliyyat məhdudiyyəti aradan qaldırılıb.
Həmçinin sentyabrın 16-dan 17-dək, 1 gün ərzində BHŞ ətrafında təhlükəsizlik məqsədilə quraşdırılmış 3306 ədəd beton blok aradan götürülür.
Xatırladaq ki, yarış həftəsində bağlı olan yolların bir çox hissəsi müəyyən saat aralıqlarında şəhərdəki tıxacların minimuma endirilməsi məqsədilə sürücülərin istifadəsi üçün açıq olub.
Bölmənin digər xəbərləri
