Fransa 14 liviyalı diplomatın ölkədən çıxarıldığını bəyan etmişdir
Paris, 7 may ( AZƏRTAC ). Fransa Xarici İşlər Nazirliyi mayın 6-da Liviya dövlətinin başçısı Müəmmar Qəddafi rejimi ilə yaxınlıq etməkdə müqəssir bilinən 14 liviyalı diplomatın ölkədən çıxarılmasının qərara alındığı barədə bəyanat yaymışdır.
Bəyanatda bildirilir ki, 14 liviyalı diplomat Fransa üçün arzuolunmaz şəxs hesab olunmuş və onlar ölkə ərazisini 24-48 saat ərzində tərk etmələri haqda xəbərdarlıq edilmişdir.
Fransa xarici siyasət idarəsi bu məsələdə BMT Təhlükəsilik Şurasının Liviya ilə bağlı qərarının əsas götürdüyünü və M.Qəddafi rejiminə müxalif olan Liviya Milli Keçid Şurasını tanıdığı üçün belə bir addım atdığını bildirmişdir.
Xatırladaq ki, Liviyanın Fransadakı səfiri, eyni zamanda YUNESKO yanındakı daimi nümayəndəliyinin rəhbəri hələ fevral ayında istefa verərək ölkəni tərk etmişdir.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
