FRANSA AVİASƏRNİŞİNLƏRDƏN ƏLAVƏ VERGİ TUTACAQDIR
AZƏRTAC xarici informasiya agentliklərinə istinadla xəbər verir ki, Fransanın hava limanlarından uçan sərnişinlər iyulun 1-dən əlavə vergi ödəyəcəklər. Bu vəsait inkişaf etməkdə olan ölkələrin tibbi ehtiyaclarına yönəldiləcəkdir. Avropa reyslərinin ekonomklas sərnişinlərindən 1 avro, imtiyazlı biznesklas sərnişinlərindən isə 10 avroyadək vergi tutulacaqdır. Uzaq reyslərdə verginin məbləği müvafiq surətdə 4 avro və 40 avro olacaqdır.
Fransanın təşəbbüsünü Lüksemburq, İordaniya, Madaqaskar, Nikaraqua, Mavriki, Norveç, Kipr, Konqo, Kot-d”İvuar, Braziliya və Çili də dəstəkləmək fikrindədir.
Bölmənin digər xəbərləri
