Fransa-Mərakeş matçının hakimləri məlum olub
Bakı, 13 dekabr, AZƏRTAC
Fransa və Mərakeş milliləri arasında Qətərdə keçirilən dünya çempionatının yarımfinal oyununa meksikalı Sezar Ramos baş hakim təyin olunub.
AZƏRTAC xəbər verir ki, bu barədə Beynəlxalq Futbol Federasiyası məlumat yayıb.
Matçda Sezar Ramosa yan xətt hakimləri Alberto Morin və Migel Ernandes köməklik göstərəcəklər. Dördüncü hakim funksiyasını Xesus Valensuela yerinə yetirəcək.
Kanadalı Drü Fişer VAR hakimi, kolumbiyalı Nikolya Qallo isə onun köməkçisi olacaq.
Qeyd edək ki, Fransa-Mərakeş oyunu dekabrın 14-də Bakı vaxtı ilə saat 23:00-da başlayacaq.
Bölmənin digər xəbərləri
