FRANSA PREZİDENTİ ALMANİYANIN YENİ KANSLERİNİ QƏBUL ETMİŞDİR
51 yaşlı A.Merkel Bundestaq tərəfindən kansler vəzifəsinə təyin edildiyi günün səhəri ilk xarici səfərini Fransadan başlamışdır. Onun bu səfəri tanışlıq xarekteri daşımışdır.
Görüş zamanı Fransa Prezidenti A.Merkeli yeni vəzifəyə seçilməsi münasibətilə təbrik etmişdir. Jak Şirak və Almaniya kansleri iki ölkə arasında mövcud dostluq münasibətlərinə toxunmuş və gələcək əməkdaşlıq məsələləri ətrafında fikir mübadiləsi aparmışlar.
Həmin gün Anqela Merkel Belçikaya yola düşmüşdür. Kansler Brüsseldə NATO-nun baş katibi, Avropa Komissiyasının və Avropa Parlamentinin sədrləri ilə görüşəcəkdir.
Bölmənin digər xəbərləri
