FRANSA PREZİDENTİ ÇİNDƏ SƏFƏRDƏDİR
AZƏRTAC-ın xüsusi müxbiri xəbər verir ki, Fransa Prezidenti Jak Şirak oktyabrın 25-də Çinə dördgünlük dövlət səfərinə yola düşmüşdür.
Jak Şirakın Çinin Uühan və Xian kimi inkişaf etmiş şəhərlərinə səfərləri nəzərdə tutulmuşdur.
Səfər zamanı Fransa Prezidenti çinli həmkarı Hu Jintao ilə görüşündə iki ölkə arasında iqtisadi əlaqələr, Şimali Koreyada nüvə silahının istehsalı və digər məsələləri müzakirə edəcəkdir.
Fransa Prezidentinin bir çox Çin müəssisələrinin rəhbərləri və bu ölkədəki fransız icması ilə görüşləri də planlaşdırılır.
Jak Şirakı bu səfərdə xarici işlər, iqtisadiyyat, təchizat və mədəniyyət nazirləri müşayiət edirlər.
Bölmənin digər xəbərləri
