FRANSA VƏ ALMANİYA BLOKADAYA SON QOYMAĞI TƏLƏB ETMİŞLƏR
Yaxın Şərq və onun ətrafındakı hadisələrə, İsrailin Livana qarşı hərbi təcavüzünə həsr olunmuş mətbuat konfransında jurnalistlərin çoxsaylı suallarına cavab verən Prezident və kansler Livan probleminin həllində ölkələrinin mövqelərini açıqlamışlar. Jak Şirak əvvəlcə Livana 200, bir qədər sonra fikrini dəyişərək 2000 nəfərlik hərbi kontingent göndərilməsi barədə qərara gəldiyini, BMT-nin bayrağı altında Livanda yerləşəcək sülhməramlı qüvvələrə öz ölkəsinin komandanlıq edəcəyini, Livanda, ümumilikdə Yaxın Şərqdə sülhün bərqərar olmasında Fransanın maraqlı olduğunu bildirmişdir.
Jak Şirak və Anjela Markel İsraildən Livanın blokadasına son qoymağı tələb etmişlər.
Almaniyanın kansleri bildirmişdir ki, blokada götürülməlidir. Livanın iqtisadiyyatını iflic vəziyyətinə salmış və böyük dağıntılara səbəb olmuş müharibədən sonra ölkənin blokadaya alınması heç bir beynəlxalq hüquqi normalara sığmır və ona son qoyulmalıdır.
A.Markel ölkəsinin Livandakı sülhməramlı qüvvələrin tərkibində iştirak etməməsinə aydınlıq gətirərək demişdir ki, Almaniya Livana hərbi qüvvə göndərməsə də, onun dəniz qüvvələrinin Livan sahillərində keşik çəkəcəkdir. “Hizbullah”a silah daşınmasının qarşısını almaqda iştirak edəcəkdir.
Bölmənin digər xəbərləri
