FRANSANIN BİR ÇOX ŞƏHƏRLƏRİNDƏ KOMENDANT SAATI TƏTBİQ EDİLMİŞDİR

09.11.2005 [22:52]
Çap et
A⁺ A^-

AZƏRTAC-ın xüsusi müxbiri xəbər verir ki, iki həftədən artıq Fransada davam edən iğtişaşların qarşısını almaqda çətinlik çəkən və onun daha da qorxulu məcraya yönəlməsindən ehtiyat edən hökumət ölkənin bir çox şəhərlərində komendant saatı tətbiq etmişdir. Prezident Jak Şirak ağır vəziyyətlərdə ölkədə sabitliyi bərqərar etmək məqsədi ilə 1955-ci il aprelin 3-də qəbul edilmiş xüsusi qərarı əldə rəhbər tutaraq, bir çox yaşayış məntəqələrində komendant saatının tətbiq olunması barədə sərəncam vermişdir.

Noyabrın 8-i yerli vaxtla saat 22-də qüvvəyə minmiş komendant saatı ilkin olaraq Amyen, Orlean və Esson şəhərlərində tətbiq edilmişdir. Bu vaxt ərzində polisə şübhələndikləri hər hansı şəxsi və yaxud minik vasitəsini istənilən vaxt saxlayıb yoxlamalarına icazə verilmişdir.

Noyabrın 20-dək davam edəcək komendant saatı yerli vaxtla gecə saat 22-dən səhər saat 6-dək davam edəcəkdir.

Komendant saatının digər şəhər və qəsəbələrdə də tətbiq olunması ehtimal edilir.

FRANSANIN BİR ÇOX ŞƏHƏRLƏRİNDƏ KOMENDANT SAATI TƏTBİQ EDİLMİŞDİR

MÜƏLLİFLƏ ƏLAQƏ

Bölmənin digər xəbərləri