Bakı, 2 oktyabr, AZƏRTAC

Bu il 420 min hektara yaxın əkin sahəsi sığortalanıb.

AZƏRTAC xəbər verir ki, bu fikirləri Aqrar Sığorta Fondunun İdarə Heyətinin sədri Fuad Sadıqov bildirib.

Qeyd edib ki, bu da ölkədə əkinə yararlı ərazilərin 25 faizi deməkdir. Bu, üç ildir fəaliyyət göstərən bir sistem üçün uğurlu nəticədir. Türkiyədə bu göstəricilər bir az da artıqdır. Lakin nəzərə alaq ki, orda həmin sistem artıq 17 ildir fəaliyyət göstərir.

Fondun rəhbəri əlavə edib ki, bu il 50 minə yaxın sığorta müqaviləsi imzalanıb ki, bu da rekord göstəricidir.

“2020-ci ildə cəmi bir neçə müqavilə və 6-7 min manat sığorta haqqı toplandığı halda 2023-cü ildə artıq bitkiçilik sığortası üzrə toplanmış sığorta haqlarının 10 milyon manatı keçməsi gözlənilir", - deyə o əlavə edib.