FUTBOL ÜZRƏ DÜNYA ÇEMPİONATININ DÖRD İŞTİRAKÇISI MƏLUM OLMUŞDUR
Bakı, 18 iyun (AZƏRTAC). Asiya zonasında seçmə oyunlar başa çatdıqdan sonra futbol üzrə Dünya çempionatının dörd iştirakçısı məlum olmuşdur. Gələn il Cənubi Afrika Respublikasına Yaponiya, Avstraliya, Cənubi Koreya və Şimali Koreya yığma komandaları gedəcəklər. KXDR iyunun 17-də Səudiyyə Ərəbistanı ilə oyunu heç-heçə başa vurduqdan sonra, dünya çempionatına vəsiqəni təmin etmişdir. Qeyd edək ki, Şimali Koreya sonuncu dəfə 1966-cı ildə İngiltərədə keçirilmiş dünya çempionatında iştirak etmiş, sensasiya yaratmış, planetin ən güclü səkkiz komandası sırasına daxil olmuşdur.
Bölmənin digər xəbərləri
