Gələn il qlobal neft tələbatı 6,2 faiz artacaq
Bakı, 15 dekabr, AZƏRTAC
Cari ildə qlobal neft tələbatının əvvəlki ilə görə 8 milyon 800 min barrel (8,8 faiz) azalaraq sutkada 91 milyon 200 min barrel olacağı nəzərdə tutulur.
AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.
IEA-ya görə, gələn il isə neft tələbatının orta hesabla 5 milyon 700 min barrel (6,2 faiz) artaraq gündəlik 96 milyon 900 min barrelə çatması gözlənilir.
2021-ci ildə tələbatın 35 milyon 900 min barreli Asiya-Sakit Okean bölgəsində, 30 milyon 100 min barreli Amerika qitəsində, 14 milyon 100 min barreli Avropada formalaşacaq.
Bölmənin digər xəbərləri
