Gənc fəal: Ümumdünya Şəhərsalma Forumunda gənclərin aktiv iştirakının təmin ediləcəyinə inanıram
Bakı, 5 fevral, Pərvanə Qafarova, foto Səfiyar Məcnun, AZƏRTAC
Biz - Azərbaycan gəncləri gələcəyimiz naminə səsimizi və aktiv iştirakımızı hər yerdə təmin etməliyik.
Bunu AZƏRTAC-a açıqlamasında “II Qoşulmama Hərəkatı Gənclər Həftəsi”nin iştirakçısı, gənc fəal Aymar Babayev bildirib.
“Bu gün “II Qoşulmama Hərəkatı Gənclər Həftəsi”nin çox maraqlı açılış mərasimi keçirildi. Hazırda dünyada gənclər siyasəti çox önəmli yer tutur. Mən öz növbəmdə ölkəmizin Prezidentinə təşəkkür etmək istəyirəm ki, gənclərin beynəlxalq arenada rol almasına hər zaman dəstək olur”, - deyə o qeyd edib.
Aymar Babayev bu ilin may ayında Azərbaycanda keçiriləcək BMT-nin Ümumdünya Şəhərsalma Forumunda iştirak edəcəyini də diqqətə çatdırıb: “Azərbaycan ilk dəfə bu mühüm tədbirə ev sahibliyi edəcək. İnanıram ki, COP29-da olduğu kimi, urbanizasiya forumunda da gənclərin aktiv iştirakı təmin ediləcək. Gənclərimiz ölkəmizdə hər zaman dəstəklənirlər”.
Bölmənin digər xəbərləri
