Gəncə Avtomobil Zavodu Koronavirusla Mübarizəyə Dəstək Fonduna 50 min manat ianə edib
Gəncə, 22 mart, Rauf Hacıyev, AZƏRTAC
Gəncə Avtomobil Zavodu İstehsalat Birliyi Prezident İlham Əliyevin 19 mart 2020-ci il tarixli “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmanına əsasən yaradılan Koronavirusla Mübarizəyə Dəstək Fonduna 50000 manat ianə edib.
Bu barədə AZƏRTAC-ın bölgə müxbirinə müəssisənin mətbuat xidmətindən məlumat verilib.
Bildirilib ki, müəssisə koronavirus infeksiyasının Azərbaycan Respublikasında yayılmasının qarşısını almaq və onunla mübarizə istiqamətində həyata keçirilən tədbirlərə köməklik məqsədilə dəstək göstərir.
Bölmənin digər xəbərləri
