Gəncə Dövlət Universitetində “Qəhrəmanlar unudulmur” adlı tədbir keçirilmişdir
Gəncə, 21 dekabr (AZƏRTAC). Gəncə Dövlət Universitetində “Qəhrəmanlar unudulmur” adlı tədbir keçirilmişdir.
Azərbaycanın dövlət himni səsləndirildikdən sonra ölkəmizin müstəqilliyi və azadlığı uğrunda şəhid olmuş mərd oğul və qızlarımızın xatirəsi bir dəqiqəlik sükutla yad edilmişdir. Qəhrəmanlarımızın şərəfli yolundan, onların göstərdikləri şücaətlərdən bəhs edən çıxışlardan sonra Dağlıq Qarabağ müharibəsinin iştirakçıları olmuş gənclər şəhid olmuş döyüş yoldaşları barədə xatirələrini danışmışlar.
Tədbirdə universitet tələbələrinin ifasında Vətənə, müstəqilliyə və qəhrəmanlığa həsr olunmuş şeirlər səsləndirilmiş, səhnəciklər göstərilmişdir.
Bölmənin digər xəbərləri
