GƏNCƏ QAPILARI ŞƏHƏRİN GİRİŞİNİ BƏZƏYƏCƏK, İKİNCİ PAYTAXTIN TARİXİ GÖRKƏMİNİ ÖZÜNƏ QAYTARACAQDIR
Prezident İlham Əliyev sonra Gəncənin qədim qapılarının ilkin şəkildə bərpası üçün görülən işlərlə tanış olmaq üçün şəhərin girəcəyinə gəldi. Burada Prezidenti və xanımını Gəncə ziyalıları böyük səmimiyyətlə qarşıladılar. Xalq artisti Pərvanə Qurbanova dövlətimizin başçısına Gəncənin embleminə həsr olunmuş monumental abidənin Sankt-Peterburqda hazırlanmış maketini təqdim edərək dedi ki, cənab Prezident, Sizin qətiyyətiniz sayəsində Gəncənin gerbi, emblemi özünə qaytarılmış və bu, tarixi hadisəyə çevrilmişdir.
Prezident İLHAM ƏLİYEV ziyalılarla görüşdü, onlara təşəkkürünü bildirərək dedi:
-Mən çox sevinirəm ki, bu gün çox böyük işlər gedir, şəhər gözəlləşir, tarixi abidələr bərpa olunur, yeni abidələr yaranır. Düşünürəm ki, bu abidə də gəncəlilər tərəfindən yaxşı qəbul olunacaqdır. Biz tarixi abidələri bərpa etməliyik. Gəncənin böyük tarixi var, böyük keçmişi var. Biz gərək o tarixi qoruyaq. Bəzi səbəblər üzündən itmiş, yaxud da buradan aparılmış tarixi sərvətlərimizi həm qaytarmalıyıq, eyni zamanda, müvəqqəti olaraq onları əvəz edən surəti yaradılmalıdır. O cümlədən, Gəncənin qədim qapılarının.
Bildiyiniz kimi, o qapı Gürcüstanda kilsədədir. Biz müraciət etmişdik ki, o qapılar Gəncəyə qaytarılsın. İndi bu barədə danışıqlar gedir, amma hələlik məsələ öz həllini tapmır. Biz Gəncə qapılarının dəqiq surətini yaratmalıyıq və bu işlər də gedir. Bütün başqa tarixi abidələr - Gəncənin gerbi, tarixi keçmişdə Gəncəyə aid olan əlamətlər, elementlər gərək bərpa olunsun. Çünki bu bizim tariximizdir. Biz müstəqil ölkə kimi çox sürətlə inkişaf edirik. Bölgələr bütün sahələrdə inkişaf edir və bununla bərabər, həmişə öz tariximizə böyük hörmətlə yanaşmalıyıq, onu bilməliyik. Tariximizi gənc nəsil bilməlidir. Bizim memarlıq abidələrimizin 
bərpası, qorunması mütləq və mütləq davam etməlidir.
bərpası, qorunması mütləq və mütləq davam etməlidir.Mən bu gün səhər Qazaxda idim, ondan sonra Tovuzda oldum, böyük işlər görülür. İndi Azərbaycanın hər bir bölgəsində, o cümlədən Gəncədə quruculuq işləri aparılır. Sizi ürəkdən salamlayıram, yeni uğurlar arzulayıram.
Bilirsiniz ki, indi Azərbaycanda məktəb tikintisi çox geniş vüsət alıbdır. Xüsusilə o rayonlarda ki, orada yeni məktəblərə ehtiyac var. Ancaq birinci mərhələdə, əlbəttə, tikinti işlərinə diqqət göstərilirdi. Lakin Gəncə şəhərində, bəlkə də, yeni məktəbin tikintisinə ehtiyac yoxdur, mövcud olan məktəblərin təmirinə ehtiyac var. Ona görə indi xüsusi proqram hazırlanır və büdcədə dəqiqləşdirmə aparılan zaman əlavə vəsait nəzərdə tutulubdur. Bu il Gəncənin bir neçə məktəbində təmir 
işləri başlanacaqdır. Artıq yeddi məktəbdə təmir gedir. Gəncədə 44 məktəb fəaliyyət göstərir, onların vəziyyəti o qədər də yaxşı deyildir. Çoxdan tikilibdir, təmirsizdir. İndi yeddisinə bu il başlayırıq, ondan sonra da digər məktəblər yüksək səviyyədə təmir ediləcəkdir.
işləri başlanacaqdır. Artıq yeddi məktəbdə təmir gedir. Gəncədə 44 məktəb fəaliyyət göstərir, onların vəziyyəti o qədər də yaxşı deyildir. Çoxdan tikilibdir, təmirsizdir. İndi yeddisinə bu il başlayırıq, ondan sonra da digər məktəblər yüksək səviyyədə təmir ediləcəkdir.Müalicə-Diaqnostika Mərkəzi də tikilir. Yəni, yaşamaq üçün bütün şərait ən yüksək səviyyədə olacaqdır. Dünyada hansı səviyyə varsa, burada da olacaqdır. Baxın, təyyarənin səsi gəlir. Gəncədə ən gözəl hava limanı tikilibdir. Dünyanın ən böyük təyyarələri artıq Gəncəyə enir. Bütün bunlar inkişafı göstərir. Bu işlər gələcəkdə də davam etdiriləcəkdir. Əsas odur ki, biz bu yolla inamla irəliyə gedək, qarşıya qoyduğumuz bütün məsələləri həll edək. Bu, hamımızın istəyidir.
X X X
Ziyalılar dövlətimizin başçısına bir daha minnətdarlıqlarını bildirdilər, ona cansağlığı arzuladılar.
Sonra Prezident İlham Əliyev Gəncə qapılarının və Gəncə qalasının maketinə, fotoşəkillərinə baxdı. Məlumat verildi ki, dəmirçi Osmanoğlu İbrahim tərəfindən 1063-cü ildə hazırlanmış məşhur Gəncə qapıları 1139-cu ildə Gəncədə zəlzələ baş verərkən yadellilər tərəfindən aparılmışdır. İndi həmin qapıların və qala divarının kiçik bir hissəsini bərpa etmək məqsədi ilə burada tikinti işlərinə başlanılmışdır. Bərpa işlərini Milli Elmlər Akademiyasının Gəncə Regional Elm Mərkəzinin mütəxəssisləri aparırlar. Qapılar dəmir parçalarından və 800-dən çox çarmıxdan hazırlanır. Hündürlüyü 3,7, eni isə 3,4 metrdir. Hazırda tamamlama işləri gedir və yaxın vaxtlarda Gəncə qapıları şəhərin girişini bəzəyəcək, bu qədim diyara gələn hər bir qonaq, ilk növbədə, XII əsrdə mövcud olmuş Gəncə qapılarından keçəcəkdir.
Bildirildi ki, ətrafda 20 metr hündürlüyündə rəmzi qala divarının ucaldılması da nəzərdə tutulur. Memarlıq və şəhərsalma idarəsinin mütəxəssisləri tərəfindən layihələşdirilmiş qala divarının yuxarı hissəsində Gəncənin gerbi qoyulacaqdır və üz tərəfi Naxçıvandan gətirilmiş kərpiclə hörüləcəkdir.
Prezident İlham Əliyev Gəncə qapılarının Azərbaycan tarixinin bir parçası olduğunu vurğulayaraq, onun üzərində yazılmış sözlərin tərcüməsinin latın əlifbası ilə də yazılmasını tövsiyə etdi və bunun tarixin öyrənilməsi baxımından əhəmiyyətli olduğunu vurğuladı.
Bölmənin digər xəbərləri
