Gəncədə “Xocalı faciəsi bəşəriyyətə qarşı törədilən cinayətdir” mövzusunda “dəyirmi masa” keçirilmişdir
Gəncə, 25 fevral (AZƏRTAC). Yeni Azərbaycan Partiyası Gəncə şəhər təşkilatında şəhər fəallarının iştirakı ilə “Xocalı faciəsi bəşəriyyətə qarşı törədilən cinayətdir” mövzusunda “dəyirmi masa” keçirilmişdir.
AZƏRTAC xəbər verir ki, “dəyirmi masa”da çıxış edənlər 1992-ci il fevralın 25-dən 26-na keçən gecə ermənilərin Xocalıda misli görünməmiş soyqırımı törətməsindən söhbət açmış, bu faciəni XX əsrin ən böyük cinayəti adlandırmışlar.
Həmin gecənin canlı şahidləri olan xocalılar çıxış edərək erməni vandalizmindən danışmışlar.
Sonra 1 nömrəli orta məktəb şagirdlərinin ifasında Xalq Şairi Mirvarid Dilbazinin “Xocalı fəryadı” adlı ədəbi-bədii kompozisiya göstərilmişdir.
Bölmənin digər xəbərləri
