GƏNCƏDƏ YAŞILLAŞDIRMA İŞLƏRİ GENİŞLƏNDİRİLMİŞDİR
Gəncə, 12 aprel (AZƏRTAC). Yazın gəlişi ilə əlaqədar Gəncədə yaşıllaşdırma işləri geniş vüsət almışdır. Belə ki, bu günə kimi şəhərin küçə və meydanlarında, park və xiyabanlarında 50 minə yaxın gül və bəzək kolları əkilmişdir.
Gəncə Şəhər Yaşıllaşdırma İdarəsinin rəisi İxtiyar İsgəndərov bildirmişdir ki, təbiət oyanandan idarənin 140-a yaxın əməkdaşı yaşıllaşdırma işlərinə cəlb olunmuşdur. Şəhərin gözəlləşdirilməsi üçün əkilən Viola, Pion, Trayedis və Simya gül sortları əsasən idarənin istixanasında yetişdirilmişdir.
Bölmənin digər xəbərləri
