Gəncədəki Şəhidlər xiyabanında yeni “Şəhidlər abidə kompleksi” ucaldılır
Gəncə, 3 aprel (AZƏRTAC). Gəncədəki Şəhidlər xiyabanında yeni “Şəhidlər abidə kompleksi” ucaldılır. Torpaqlarımızın bütövlüyü uğrunda canlarından keçmiş 365 gəncin əziz xatirəsinə ucaldılacaq abidə gənc nəslin vətənpərvərlik ruhunda tərbiyəsində mühüm rol oynayacaqdır.
Şəhər mənzil-kommunal təsərrüfatı idarəsinin rəisi Elgün Məmmədov AZƏRTAC-a bildirmişdir ki, xiyabanda geniş abadlıq və yenidənqurma işləri də aparılacaqdır.17 hektar ərazini əhatə edən xiyabanda yaşıllıq artırılacaq, piyada keçidləri yenidən qurulacaq, ziyarətə gələnlərin rahatlığı üçün hər cür şərait yaradılacaqdır.
Kompleksdə tikinti işlərinin cari ilin sentyabrında başa çatdırılması nəzərdə tutulmuşdur.
Bölmənin digər xəbərləri
