“GİROV” FİLMİ BEYNƏLXALQ FESTİVALDA NÜMAYİŞ ETDİRİLƏCƏK
Mədəniyyət və Turizm Nazirliyinin Kino işləri şöbəsindən AZƏRTAC-a bildirmişlər ki, Çexiyada 41-ci Beynəlxalq “Karlovı-Varı” kino festivalı keçiriləcəkdir. İyunun 30-dan iyulun 8-dək davam edəcək festivalda Azərbaycan, yazıçı Natiq Rəsulzadənin ssenarisi əsasında xalq artisti, kinorejissor Eldar Quliyevin çəkdiyi “Girov” filmi ilə təmsil olunacaqdır. Filmdə Ermənistan-Azərbaycan, Dağlıq Qarabağ münaqişəsindən və müharibənin ağrı-acılarından bəhs edilir.
Festivala rejissor Eldar Quliyev də dəvət olunmuşdur.
Bölmənin digər xəbərləri
