Gömrük Komitəsi sədrinin birinci müavini Moldovanın səfiri ilə görüşüb
Bakı, 26 dekabr, AZƏRTAC
Dekabrın 26-da Dövlət Gömrük Komitəsi sədrinin birinci müavini, sədr vəzifəsini müvəqqəti icra edən, gömrük xidməti general-leytenantı Şahin Bağırov Moldovanın ölkəmizdəki fövqəladə və səlahiyyətli səfiri Aleksandr Esaulenko ilə görüşüb.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, görüşdə Azərbaycan ilə Moldova arasında ikitərəfli münasibətlərin uzun illər ərzində uğurla inkişaf etdiyi vurğulanıb, müxtəlif istiqamətlər üzrə, o cümlədən gömrük sahəsində səmərəli əməkdaşlıqdan məmnunluqla bəhs edilib.
Qeyd olunub ki, gömrük orqanları arasında formalaşan işgüzar münasibətlər iqtisadi əlaqələrin gücləndirilməsi, qarşılıqlı ticarət dövriyyəsinin artımı baxımından mühüm əhəmiyyət daşıyır.
Görüşdə qarşılıqlı maraq doğuran məsələlər ətrafında fikir mübadiləsi aparılıb.
Bölmənin digər xəbərləri
