Noyabrın 29-da Azərbaycanın qadınlardan ibarət “Gömrükçü” futbol komandası UEFA kuboku turnirinin növbəti qrup mərhələsində Danimarkanın "Brondbu" klubu ilə Bakıda qarşılaşmışdır.

"Gömrükçü" İdman Cəmiyyətindən AZƏRTAC-ın müxbirinə bildirmişlər ki, ölkə çempionatının qalibi olan "Gömrükçü" UEFA kuboku turnirinin əvvəlki qrup mərhələsində Belarusun "Bobruyçanka", Yunanıstanın "Aegina" və İsveçrənin "Şverçenbax" komandaları ilə mübarizədə növbəti mərhələyə vəsiqə qazanmışdı. Moskvada təlim-məşq toplantısı keçməsinə və yeni transferlərin olmasına baxmayaraq, idmançılarımız danimarkalılara 0:3 hesabı ilə məğlub olmuşlar. Beləliklə, gərgin mübarizə şəraitində keçən dörddə bir final görüşündə uduzan komandamız yarışdan kənarda qalmışdır.