GÜLƏŞÇİLƏRİMİZ BEYNƏLXALQ TURNİRDƏ İŞTİRAK EDİRLƏR
On səkkiz ölkədən 200-ə yaxın pəhləvanın 7 çəki dərəcəsində mübarizəyə qatıldığı bu mötəbər turnirdə Azərbaycanın idman şərəfini məşqçi Məhərrəm Ağayevin rəhbərliyi ilə Röyal İsmayılov (55 kq), Elçin Həsənov (55 kq), Tofiq Səlimov (66 kq), Aqil Quliyev (74 kq) və Elşad Yusifov (84 kq) qoruyur. Yarışları idarə edənlər arasında beynəlxalq dərəcəli hakim Xanmirzə Məlikbəyov da vardır. Qaliblər fevralın 25-də məlum olacaqdır.
Xatırladaq ki, fevralın 24-də isə Türkiyənin İzmir şəhərində məşhur pəhləvan Emre Vəhbinin xatirəsinə həsr olunmuş yunan-Roma güləşi üzrə beynəlxalq “Qran-pri” turniri başlanacaqdır. Bu yarışda ölkəmizi 9 güləşçi təmsil edəcəkdir.
Bölmənin digər xəbərləri
