Güllə atıcılığı üzrə yığmamız Avropa Paralimpiya Çempionatında qüvvəsini sınayacaq
Bakı, 19 avqust, AZƏRTAC
Avropa Paralimpiya Çempionatının on ikinci günündə güllə atıcılığı üzrə idmançılarımız öz güclərini sınayacaqlar.
Azərbaycan Paralimpiya Komitəsindən AZƏRTAC-a verilən məlumata görə, Yelena Taranova, Aybəniz Babayeva, Rafiq Əliyev, Kamran Zeynalov və Elşad Məmmədov pnevmatik tapançadan 10 metr məsafəyə atış növündə mübarizə aparacaqlar.
Avropa Paralimpiya Çempionatı həm də Paris 2024 XVII Yay Paralimpiya Oyunlarına birbaşa lisenziya xarakteri daşıyır.
Qeyd edək ki, yarışın final mərhələsi 17:35-də başlayacaq.
Bölmənin digər xəbərləri
