GÜN ƏRZİNDƏ 32 CİNAYƏT FAKTI QEYDƏ ALINMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, avqustun 23-də respublika ərazisində keçirilmiş əməliyyat-axtarış tədbirləri nəticəsində Cinayət Məcəlləsinin müxtəlif maddələri ilə axtarışda olan 12 cinayətkar tutularaq istintaq orqanlarına təhvil verilmişdir. Qanunsuz saxlanılan silah-sursatın yığılması ilə əlaqədar 2, narkotiklərlə bağlı 6 fakt aşkar edilmiş, müxtəlif növ cinayət törətdiklərinə görə 32 nəfər tutulmuşdur. Baş vermiş dörd yol-nəqliyyat qəzasında üç nəfər dünyasını dəyişmiş, 9 adam yaralanmışdır. Üç yanğın hadisəsi zamanı 3 nəfər ölmüşdür.
Gün ərzində qeydə alınan 32 cinayət hadisəsindən 22-nin üstü isti izlərlə açılmışdır.
Bölmənin digər xəbərləri
