Gürcüstan döyüş təyyarələrini modernləşdirir
Tbilisi, 13 aprel, AZƏRTAC
Gürcüstan Müdafiə Qüvvələrinə məxsus “Su-25” döyüş təyyarələrini modernləşdirir.
AZƏRTAC xəbər verir ki, bu barədə ölkənin Müdafiə Nazirliyi məlumat yayıb.
Bildirilir ki, yenilənmiş ikinci hərbi təyyarə aprelin 13-də uğurlu sınaq uçuşu yerinə yetirib. Bərpa olunmuş ilk “Su -25”in sınaq uçuşu martın 6-da baş tutub.
Müdafiə Nazirliyinin balansında olan döyüş təyyarələrinin modernləşdirilməsinin 2022-ci ilin sonunadək başa çatdırılması nəzərdə tutulub.
Qeyd edək ki, Gürcüstan ölkə ərazisindəki hərbi aerodromları da yenidən qurur.
Marneuli rayonu ərazisindəki hərbi aerodrom Türkiyə hökuməti tərəfindən bərpa olunur.
Türkiyə hökuməti Gürcüstana hərbi təyinatlı bir sıra yeni texnikalar da hədiyyə edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
