GÜRCÜSTAN MƏMURLARI PREZİDENTDƏN ARTIQ MAAŞ ALMAYACAQLAR
Gürcüstan parlamentinin prosedur komitəsi ölkə başçısından artıq maaş alan dövlət idarələri rəhbərlərinin əmək haqqının təftişini keçirməyi planlaşdırır. Komitənin iclasında bildirilmişdir ki, Milli Bankın, standartlaşdırma və mühasibat uçotu komissiyasının, energetika və rabitə, neft və qaz üzrə tənzimləyici komissiyaların, habelə ictimai televiziyanın rəhbərlərinə və müavinlərinə həddindən yüksək əmək haqqı ödənilir. İndi bu təşkilatların rəhbərləri öz əməkhaqqının məbləği barədə parlamentə məlumat verməli, habelə onların əməyinin belə ödənişinin hansı normativ aktlar əsasında müəyyən edildiyini bildirməlidirlər.
Gürcüstanda dövlət qulluqçusunun orta əməkhaqqı təxminən 100 laridir (54 dollar). Prezident Saakaşvili ayda 4 min lari (2190 dollar) əməkhaqqı alır. “Rustavi-2” teleşirkətinin məlumatına görə, elektron rabitə üzrə tənzimləyici komissiyanın rəhbərinin aylıq əmək haqqı 20 min lari (11 min dollar), dövlət büdcəsindən maliyyələşdirilən ictimai televiziya rəhbərinin maaşı isə 12 min lari (6,5 min dollar) təşkil edir.
Bölmənin digər xəbərləri
