GÜRCÜSTAN PREZİDENTİ, “VAHİD MİLLİ HƏRƏKAT” PARTİYASININ SƏDRİ ZATİ-ALİLƏRİ CƏNAB MİXEİL SAAKAŞVİLİYƏ
Hörmətli Mixeil Nikolayeviç,
Gürcüstan parlamentinə seçkilərdə qələbə qazanmağınız münasibətilə Sizi və “Vahid Milli Hərəkat” Partiyasının bütün üzvlərini səmimi qəlbdən təbrik edirəm.
Müasir Gürcüstanın həyatındakı bu mühüm hadisə xalqın iradəsini, Sizin dövlətçiliyin və suverenliyin möhkəmlənməsinə, siyasi sabitliyin və hüquq qaydasının təmin olunmasına, demokratik dəyişikliklərin həyata keçirilməsinə, beynəlxalq aləmdə ölkənin mövqeyinin möhkəmlənməsinə yönəldilmiş xəttinizi dəstəkləməsini bir daha nümayiş etdirdi.
Əminəm ki, Yeni Azərbaycan Partiyası ilə “Vahid Milli Hərəkat” Partiyası arasında hərtərəfli əlaqələr inkişaf edəcək və möhkəmlənəcəkdir.
Sizə və “Vahid Milli Hərəkat” Partiyasının bütün üzvlərinə böyük uğurlar və rifah, qardaş Gürcüstan xalqına sülh, əmin-amanlıq və tərəqqi arzulayıram.
Hörmətlə,
İlham Əliyev
Azərbaycan Respublikasının Prezidenti,
Yeni Azərbaycan Partiyasının sədri
Bakı, 27 may 2008-ci il.
Bölmənin digər xəbərləri
