GÜRCÜSTAN PREZİDENTİ ZATİ-ALİLƏRİ CƏNAB MİXEİL SAAKAŞVİLİYƏ
Hörmətli Mixeil Nikolayeviç,
Milli bayram - Dövlət müstəqilliyinin bərpa edilməsi günü münasibətilə Sizi və bütün dost Gürcüstan xalqını Azərbaycan xalqı adından və şəxsən öz adımdan ürəkdən təbrik edirəm.
Azərbaycan və Gürcüstanı əsrlərdən bəri sıx dostluq, mehriban qonşuluq və qarşılıqlı dəstək telləri bağlayır. Əminəm ki, bizim birgə səylərimiz bundan sonra da dövlətlərarası münasibətlərimizin dinamik inkişafı, xalqlarımızın firavanlığı naminə, sülh, sabitlik və tərəqqi naminə hərtərəfli əməkdaşlıq və strateji tərəfdaşlıq üçün sarsılmaz bünövrə olan bu xeyirxah ənənələrin daim və hərtərəfli möhkəmləndirilməsinə yönələcəkdir.
Əziz dostum, Sizə möhkəm cansağlığı, xoşbəxtlik və uğurlar, qardaş Gürcüstan xalqına sülh, əmin-amanlıq və firavanlıq arzulayıram.
Hörmətlə,
İlham Əliyev
Azərbaycan Respublikasının Prezidenti
Bakı, 19 may 2008-ci il
Bölmənin digər xəbərləri
