Gürcüstanda bəzi məhdudiyyətlərin müddəti noyabrın 1-dək uzadılıb
Tbilisi, 9 sentyabr, AZƏRTAC
Gürcüstanda bəzi məhdudiyyətlərin müddəti noyabrın 1-dək uzadılıb.
AZƏRTAC xəbər verir ki, bu barədə Gürcüstan hökuməti qərar qəbul edib.
Bildirilir ki, ölkədə epidemioloji vəziyyət narahatlıq doğurur. Gürcüstanda son günlər koronavirusa yoluxma hallarının artması səbəbindən teatr, kinoteatr və uşaq əyləncə mərkəzlərinin açılması noyabrın 1-dək təxirə salınıb.
Qeyd edək ki, ölkədə kinoteatrların sentyabrın 15-də, teatrların isə oktyabrın 1-də açılması nəzərdə tutulurdu.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
