Gürcüstanda əhalinin sayı azalıb
Tbilisi, 2 aprel, AZƏRTAC
Keçən il Gürcüstanda əhalinin sayı bir qədər azalıb. 2020-ci ildə Gürcüstanda 46 min 520 uşaq doğulub, bunların da 24 min 289-u oğlan, 22 min 231-i isə qız uşaqlarıdır.
AZƏRTAC xəbər verir ki, bu barədə Gürcüstanın Milli Statistika Xidməti məlumat yayıb.
Bildirilir ki, keçən il ölkədə 50 min 537 nəfər dünyasını dəyişib, bu da 2019-cu illə müqayisədə 8,3 faiz çoxdur.
Keçən il Gürcüstanda 16 min 359 nikah müqaviləsi bağlanıb, bu da 2019-cu illə müqayisədə 29,7 faiz azdır.
Boşanmaların sayı isə 2019-cu illə müqayisədə 31,8 faiz azalaraq 7 min 643 fakt təşkil edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
