Gürcüstanda koronavirusun Hindistan ştamına yoluxanların sayı artıb
Tbilisi, 6 iyul, AZƏRTAC
Gürcüstanda koronavirusun Hindistan ştamına yoluxma halları artıb.
AZƏRTAC xəbər verir ki, bu günədək Gürcüstanda koronavirusun Hindistan ştamına 52 yoluxma halı qeydə alınıb.
Gürcüstanın səhiyyə nazirinin müavini Tamar Qabuniya deyib ki, beş şübhəli yoluxma faktı üzrə araşdırmalar davam etdirilir.
Nazir müavini bildirib ki, Hindistan ştamının ölkə üzrə yayılma göstəricisi 10 faizdən 20 faizədək təşkil edir.
“Delta ştamının daha çox yayılması riski mövcuddur. Ona görə də biz xüsusilə ehtiyatlı olmalıyıq”, - deyə Qabuniya vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
