GÜRCÜSTANDA MAYE QAZIN QİYMƏTİ ARTIB

28.07.2006 [14:38]
Çap et
A⁺ A^-

AZƏRTAC-ın xüsusi müxbiri xəbər verir ki, son həftələr Gürcüstanda maye qazın qıtlığı nəticəsində onun qiyməti artmışdır. Gürcüstan Neft Məhsulları İstehsalı, İdxalı və İstehlakçıları İttifaqının sədri Vano Mtvralaşvilinin sözlərinə görə, buna Azərbaycan qaz emalı müəssisəsi tərəfindən Gürcüstana maye qaz verilməsində yaranmış qeyri-sabitlik səbəb olmuşdur.

O qeyd etmişdir ki, bu sahədə Gürcüstan üçün alternativ mənbə Türkmənistandır. Lakin yerli biznesmenlər Türkmənistandan alınan maye qazın baha olduğuna və onun Gürcüstana gətirilməsi üçün 20 gün vaxt lazım gəldiyinə görə bu işə girişmirlər. Mtvraşvili demişdir ki, Azərbaycan qazının həm keyfiyyəti yüksəkdir, həm ucuzdur, həm də onu Gürcüstana cəmi 3 günə gətirmək olur.

Xatırladaq ki, maye qazın bir balonu 15 lari (1 dollar 1,76 laridir) idisə, hazırda onu 16-17 lariyə satırlar.