Gürcüstanda yanacağın qiyməti yenidən bahalaşıb
Tbilisi, 29 avqust, AZƏRTAC
Son günlər dünya bazarında neftin qiymətinin qalxması fonunda Gürcüstanın əksər yanacaqdoldurma məntəqələrində avtomobil yanacağının (benzin, dizel və qaz) qiymətində artım müşahidə olunur.
AZƏRTAC xəbər verir ki, əksər yanacaqdoldurma məntəqələrində benzinin qiyməti növündən asılı olaraq 30-35 tetri (13-15 sent) artıb.
Hazırda bəzi yanacaqdoldurma məntəqələrində bir litr “nano super” yanacağının qiyməti 3,70 lari (1,42 ABŞ dolları), “Force super” 3,65 lari, “Regular” isə 2,70 lariyə satılır.
Dizel yanacağının qiyməti isə 2,90 laridən 3,07 lari arasında dəyişir.
İqtisadçı ekspertlərin fikrincə, bu artım ölkə daxilində dolların yenidən bahalaşması və larinin dəyər itirməsi ilə əlaqədardır.
Ekspertlər hesab edirlər ki, benzinin qiyməti inflyasiyanın artmasına və istehlak mallarının da qiymətlərinin bahalaşmasına təsir edəcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
