Hakim “Gürcü Arzusu” partiyası Gürcüstan prezidentliyinə namizədinin adını açıqlayıb
Tbilisi, 27 noyabr, AZƏRTAC
Gürcüstanın hakim “Gürcü Arzusu-Demokratik Gürcüstan” partiyası prezidentliyə namizədinin adını açıqlayıb.
AZƏRTAC xəbər verir ki, partiyanın siyasi şurasının noyabrın 27-də keçirilən iclasında Mixail Kavelaşvilinin Gürcüstan prezidentliyinə namizədliyi irəli sürülüb.
Bu barədə “Gürcü Arzusu”nun fəxri sədri Bidzina İvanişvili partiyanın ofisində keçirilən brifinqdə məlumat verib.
Qeyd edək ki, əvvəllər idman sahəsində məşhur olan M.Kavelaşvili keçmiş SSRİ-nin və dünyanın nüfuzlu futbol klublarında çıxış edib. Hazırda Gürcüstan parlamentinin üzvüdür.
Xatırladaq ki, Gürcüstan prezidentinin seçkiləri dekabrın 14-nə, andiçmə mərasimi isə dekabrın 29-na təyin edilib. Bu il ilk dəfə olaraq prezident ümumxalq səsverməsi ilə deyil, Seçicilər Kollegiyasının 300 üzvü tərəfindən seçiləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
