Hande Harmancı: Səhiyyə Nazirliyi və TƏBİB koronavirusla əlaqədar çox ciddi işləyirlər
Bakı, 4 mart, AZƏRTAC
Hazırda Azərbaycanda COVID-19 infeksiyası aşkarlanan 3 nəfər var. Onlar xəstə deyillər, hər hansı bir simptom yoxdur. Sadəcə hazırda müşahidə altındadırlar.
Səhiyyə Nazirliyi və TƏBİB koronavirusla əlaqədar çox ciddi işləyirlər. Sərhədlərdə mobil laboratoriyalar, xüsusi komandalar, səhiyyə işçiləri var. Sərhəd bölgələri, xüsusilə İranla oran sərhəd ciddi nəzarət altındadır.
AZƏRTAC xəbər verir ki, bu sözləri Dünya Səhiyyə Təşkilatının Azərbaycandakı nümayəndəsi Hande Harmancı deyib.
Koronavirusla bağlı Azərbaycanda 6 xəstəxananın ayrıldığını deyən H.Harmancı bildirib ki, onların bəziləri karantin məqsədlidir. Bəziləri isə xəstəliyə yoluxma halları qeydə alınarsa, həmin xəstələrin müalicəsinin aparılması məqsədilə fəaliyyət göstərir. Bunun üçün paytaxtda da iki xəstəxananın bölmələri ayrılıb. Onların hamısı boşdur, sadəcə karantində olan insanlar var.
Bölmənin digər xəbərləri
