Hazırda Bakı metrosu optimal qrafiklə işləyir
Bakı, 7 iyun, AZƏRTAC
Hazırda Bakı metrosu texniki cəhətdən mümkün olan optimal qrafik əsasında işləyir. Mövcud vəziyyətə əsaslanaraq yay və ya qış qrafikinə keçid olmayıb.
AZƏRTAC xəbər verir ki, bu barədə “Bakı Metropoliteni” QSC-nin mətbuat xidmətinin rəisi Bəxtiyar Məmmədov deyib.
O bildirib ki, gündəlik olaraq metropolitendə monitorinqlər aparılır və ehtiyat qatarlar hazır vəziyyətdədir. Monitorinqin nəticələrinə əsasən, metronun fəaliyyət qrafiki müəyyən ediləcək. Hazırda metroda qatarların hərəkət intervalı əsasən dəyişmir.
B.Məmmədov qeyd edib ki, sərnişinlərin sayı artarsa, metronun girişindən platformaya qədər tənzimləmə tədbirləri aparıla bilər.
Bölmənin digər xəbərləri
