Həbib Nurməhəmmədovun atası koronavirus infeksiyasından vəfat edib
Moskva, 3 iyul, AZƏRTAC
Qarışıq döyüş növləri üzrə rusiyalı idmançı, mütləq döyüş çempionatının (UFC) qalibi Həbib Nurməhəmmədovun atası, məşqçi Abdulmanap Nurməhəmmədov koronavirus infeksiyasından vəfat edib.
AZƏRTAC xəbər verir ki, bu barədə Rusiya Federasiyası Çeçenistan Respublikasının rəhbəri Ramzan Kadırov “Telegram” kanalında yazaraq, mərhumun ailəsinə başsağlığı verib.
İyunun 22-də Həbib Nurməhəmmədov atasının koronavirus infeksiyasına yoluxduğunu bildirmişdi. Onun sözlərinə görə, atası sağalsa da, xəstəliyin fəsadları hələ də qalır.
Abdulmanap Nurməhəmmədov Moskvada müalicə olunurdu.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
