HƏCC ZİYARƏTİ TACİKLƏRƏ 2300 DOLLARA BAŞA GƏLİR

22.11.2005 [17:39]
Çap et
A⁺ A^-

AZƏRTAC “Novosti” agentliyinə istinadla xəbər verir ki, 2005-ci ildə həcc ziyarəti taciklərə 2300 dollara başa gələcəkdir ki, bu da əvvəlki ildəkindən 500 dollar çoxdur.

Tacikistan Dini İşlər Komitəsinin başçısı Murodullo Dövlətovun sözlərinə görə, bu, aviadaşımaların qiymətinin artması ilə əlaqədardır. Zəvvarlar Səudiyyə Ərəbistanına çarter aviareysləri ilə daşınırlar.

M.Dövlətov bildirmişdir ki, zəvvarları aparan ilk təyyarə Tacikistandan Səudiyyə Ərəbistanına dekabrın 23-də yola düşəcəkdir. Bu il 3 min tacik (ötən ildəkindən min nəfər az) müqəddəs ziyarətgahlara gedə biləcəkdir. Onların hər biri tibbi arayışla təmin olunmuşdur. Bundan əlavə, bir dəfə həccə getmiş Tacikistan sakini sonrakı 5 il ərzində bu müqəddəs ocağı təkrar ziyarət edə bilməz.

HƏCC ZİYARƏTİ TACİKLƏRƏ 2300 DOLLARA BAŞA GƏLİR

MÜƏLLİFLƏ ƏLAQƏ

Bölmənin digər xəbərləri