Həmyerlilərimiz çarter reysi ilə Kiyevdən Vətənə yola salınıb
Kiyev, 30 iyul, AZƏRTAC
İyulun 30-da Ukraynada 155 həmyerlimiz Azərbaycanın milli aviadaşıyıcısının (AZAL) çarter reysi ilə Vətənə yola salınıb.
AZƏRTAC xəbər verir ki, reysdən əvvəl 48 saat ərzində COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılıb. Qeyd edilən reyslə Vətənə yola salınan bütün sərnişinlər iki həftə müddətində özünütəcrid şəraitində qalacaqlar.
AZAL-ın çarter reysi Nazirlər Kabineti yanında Operativ Qərargahın müəyyən etdiyi plana uyğun qaydada yerinə yetirilib.
Xatırladaq ki, koronavirus infeksiyasının yayılmasının qarşısını almaq üçün Azərbaycan və Ukrayna arasında aviareyslər dayandırılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
