HƏNDBOLÇULARIMIZ ŞOTLANDİYA YIĞMASINA QALİB GƏLMİŞDİR
AZƏRTAC xəbər verir ki, İrlandiyanın paytaxtı Dublində kişilər arasında həndbol üzrə “Çelenc Trofi” yarışları davam edir. İlk görüşdə İngiltərə yığmasına böyük hesabla (30:13) qalib gələn millimiz növbəti oyunda Şotlandiya seçmə komandasını da məğlub etmişdir. Baş məşqçi Hikmət Abdullayevin yetirmələri görüşün birinci hissəsində məğlub olsalar da (10:12), ikinci hissədə üstünlüyü ələ keçirərək, rəqib üzərində 27:16 hesabı ilə inamlı qələbə qazanmışlar.
Digər görüşlərdə isə İngiltərə yığması İrlandiya seçmə kollektivini 25:17, Moldova yığması isə Maltanı 22:5 hesabı ilə məğlub etmişdir.
Həndbolçularımızın növbəti rəqibi meydan sahibi İrlandiya millisi olacaqdır.
Bölmənin digər xəbərləri
