HƏRRACLAR SƏMƏRƏLİ NƏTİCƏLƏR VERİR
İqtisadi İnkişaf Nazirliyi əhalinin özəlləşdirmə prosesində fəal iştirakını təmin etmək məqsədi ilə müvafiq tədbirlərin həyata keçirilməsini davam etdirir.
Belə ki, cari ilin ötən müddəti ərzində səhmdar cəmiyyətlərinin səhmlərinin satışı üzrə 35 pullu, 10 çek hərracı keçirilmişdir. Bunun nəticəsi olaraq pullu hərraclarda 74 səhmdar cəmiyyətinin, çek hərraclarında isə 76 səhmdar cəmiyyətinin səhmləri satılmışdır.
Ümumiyyətlə, indiyədək səhmlərin satışı üzrə 169 pullu və 72 çek hərracı keçirilmişdir. Bu hərraclarda səhmdar cəmiyyətlərinin müvafiq olaraq 16,5 milyon və 15,2 milyon səhmi satılmışdır.
Müəssisələrin dövlətsizləşdirilməsi zamanı əmək kollektivinin özəlləşdirmədə iştirakına geniş yer verilir. Özəlləşdirmə başlanandan bu günədək 1117 səhmdar cəmiyyətində səhmlərin əmək kollektivinə güzəştli satışı keçirilmişdir.
İqtisadi İnkişaf Nazirliyi hərracların keçirilməsi intensivliyinin artırılması istiqamətində qanunla müəyyən edilmiş tədbirlərin həyata keçirilməsini davam etdirir.
İqtisadi İnkişaf Nazirliyinin
mətbuat xidməti
Bölmənin digər xəbərləri
