HƏŞTƏRXAN VİLAYƏTİNDƏ MATƏM ELAN EDİLMİŞDİR
AZƏRTAC-ın İTAR-TASS agentliyindən aldığı xəbərdə deyilir ki, Həştərxan vilayətində qubernator Anatoli Qujvinin qəfil ölümü ilə əlaqədar avqustun 18-20-si matəm günləri elan edilmişdir. Dövlət bayraqları endirilmiş, bütün yerli televiziya və radio kanallarında əyləncəli verilişlər dayandırılmışdır. A.Qujvinin dəfni avqustun 19-da Həştərxan şəhərinin mərkəzi qəbiristanında olacaqdır.
59 yaşlı A.Qujvin avqustun 17-də istirahətdə olduğu Soçidə qəflətən vəfat etmişdir. O, nəvələri ilə voleybol oynayarkən ürək nahiyəsində ağrılar hiss etmiş və tezliklə keçinmişdir. Həkimlərin diaqnozuna görə, o, kəskin ürək çatışmazlığından ölmüşdür.
Bölmənin digər xəbərləri
