HƏZİ ASLANOVUN XATİRƏSİNƏ HƏSR OLUNMUŞ BEYNƏLXALQ CÜDO TURNİRİ BAŞA ÇATMIŞDIR

22.05.2006 [12:01]
Çap et
A⁺ A^-

AZƏRTAC xəbər verir ki, Gənclər və İdman Nazirliyinin, Milli Olimpiya Komitəsinin, Azərbaycan Cüdo Federasiyasının və Bakı Şəhər İcra Hakimiyyətinin birgə təşkilatçılığı ilə iki dəfə Sovet İttifaqı Qəhrəmanı, general Həzi Aslanovun xatirəsinə həsr olunmuş XXIX beynəlxalq cüdo turniri mayın 21-də başa çatmışdır.

Bakı Olimpiya İdman Kompleksində keçirilən yarışın mükafatları uğrunda Azərbaycan, Rusiya, Gürcüstan və Ukraynanın 150 nəfərə yaxın yeniyetmə oğlan və qız cüdoçusu mübarizə aparmışdır.

Oğlanlar arasında Azərbaycan idmançıları Rəsul Qəhrəmanov (46 kq), İlqar Müşdiyev (50 kq), Rəşid Məmmədov (55 kq), Orxan Dünyamalıyev (60 kq), Paşa Nəbizadə (66 kq), Ramin Qurbanov (81 kq), Nain Allahverdiyev (90 kq), Ukrayna cüdoçuları Denis Riqorenko (73 kq) və Samo Xvalov (+90 kq), qızlar arasında Azərbaycan təmsilçiləri Türanə Seyidi (48 kq), Nazənin Məmmədzadə (52 kq), Jalə İbrahimova (57 kq), Raqiyə Qarayeva ( 63 kq), Gürcüstan idmançıları Tfira Abuladze (36 kq), Lusio Tnikaşvili (40 kq), Yelena Gibadze (70 kq) və Anna Lumidze (+70 kq) birinci yeri tutmuşlar.

Azərbaycan cüdoçuları ümumi komanda hesabında birinci, gürcüstanlılar ikinci, ukraynalılar üçüncü yerə sahib olmuşlar.