Hindistan hökuməti vəzifəli şəxslərin internetdən məzmunu silmək səlahiyyətlərini məhdudlaşdırıb
Bakı, 23 oktyabr, AZƏRTAC
Hindistan hökuməti internetdən məzmunun silinməsinə sərəncam verə biləcək vəzifəli şəxslərin sayını azaldıb. Bu addım mübahisəli siyasətlə bağlı İlon Maskın X şirkəti ilə qızğın məhkəmə çəkişməsindən sonra atılıb.
AZƏRTAC xəbər verir ki, X sosial media platforması Baş nazir Narendra Modinin 2023-cü ildə qəbul edilmiş və minlərlə məmura məzmunun silinməsi ilə bağlı sərəncamlar vermək səlahiyyəti verən internetə nəzarət barədə qərarına qarşı çıxış edib.
Avqust ayında “Reuters” məlumat yayıb ki, polis müfəttişləri karikaturaları və satirik yazıları silmək üçün sərəncamlar verir və bu, X-in hökumətin məzmunun silinməsi siyasətinə qarşı ən səs-küylü məhkəmə iddialarından birinə səbəb olub.
Sentyabr ayında X şirkəti Karnataka Ali Məhkəməsində uduzdu, burada hakim iddiasının əsassız olduğuna və X-in yerli qanunlara riayət etməli olduğuna qərar verdi. Bununla belə, çərşənbə günü axşam saatlarında Hindistanın İnformasiya Texnologiyaları Nazirliyi yüksək vəzifəli dövlət məmurlarına və polis məmurlarına belə əmrlər vermək səlahiyyətini məhdudlaşdıraraq siyasətini dəyişdi.
Bölmənin digər xəbərləri
